Qısası

Mən, rüşvətxor, saxtakar, səviyyəsiz Azərbaycan hakimiyyəti ilə tarix boyu heç bir zaman məğlub olmamış, bundan sonra da heç vaxt məğlub olmayacaq bir tərəfdə yer aldığım mübarizədəyəm.

Bunu Azərbaycan xalqı nə qədər tez başa düşsə işıqlı, azad, rahat, demokratik günlərə bir o qədər tez çıxacaq, Azərbaycan hakimiyyətinin nümayəndələri isə nə qədər tez başa düşsələr qanunla müəyyən edilmiş cəzaları bir o qədər azalacaq.

Sonunun sizin qalibiyyətinizlə bitəcəyini, haqq-ədalətin bərpası ilə bitəcəyini bildiyiniz mübarizəyə qoşulun.

Əlbəttə ki, çətinliklər, maneələr, sıxışdırılmalar olacaq, zatən sadə vətəndaş da hər gün bunlarla qarşılaşır. Mübarizəyə nə qədər tez qoşulsanız, bunlar da bir o qədər tez bitəcək.

Məsələn, mən, N!DA Vətəndaş Hərəkatına qoşulmuşam.

Rahat gələcək rahatlıqla gələcək!)

Çox rahatam. Dəhşətli dərəcədə xoşbəxtəm. Özümü əla hiss edirəm!

Çünki gələcəkdə keçmişimə görə, əməllərimə, etdiklərimə, etmədiklərimə görə peşmançılıq çəkməyəcəm, utanmayacam, içim sızlamayacaq.

Niyə? Ona görə ki, heç vaxt haqsızlığa susmamışam, heçvaxt qanunsuzluq qarşısında sakit durmamışam. Yaltaqlıq etməmişəm, şəxsi mənafe üçün kiməsə “girməmişəm”, uzaqlara çıxıb getməmişəm. Ədalətsizliyə hər zaman etiraz etmişəm, cındırlığın üstünə getmişəm, şərəfsizlərlə qarşı-qarşıya gəlmişəm. Mübarizə aparmışam həmişə. Hər şeyin daha yaxşı olması üçün əlləşib-vuruşub əlimdən gələni, hələ artığını da etməyə çalışmışam. Ən əsası, N!DA-çı olmuşam.

Vicdanım qarşısında çox rahat olmuşam, olacam da. Uşağım məni divara dirəyə bilməyəcək ki, “ata, axı niyə o vaxt sakit durdun, etiraz etmədin?!” Ona danışacağım gözəl, təmiz, şərəfli gəncliyim olacaq. Onun yaşayacağı azad, demokratik cəmiyyətin qurulmasında mənim də kiçicik bir payımın olmasından qürurla söhbət açacam, mübarizə yoldaşlarımla xatirələrimizdən danışacam ona.

Facebook-dan 3 statusum

1. Bu yazı şəxsi fantaziyam olan ilk məhsulumdur:

23.02.2013

Aboyları səliqəsiz, cırılmış boş otaq. Tək lampa var. Pəncərənin şüşələri çatlayıb, külək yelləyir, pərdə yoxdur. Küncdə dizlərimi sinəmə sıxıb oturmuşam, başımı tez-tez yelləyirəm. Saçım dağınıq, saqqal basıb üzümü, dəhşətli şəkildə arıqlamışam, bütün bədənimdə çapıqlar, yaralar var. Əynimdə uzun qollu, uzun boğazlı, uzun ətəkli ağ, yun, tiftiklənmiş vadalaska və çox yerdən sökülmüş qara şalvar var. Sağ əlimdəki siqareti tələsə-tələsə çəkərək tüstüsünü möhkəm buraxıram, digər əlimlə vadalaskamı tiftiklərdən təmizləyirəm. Külək növbəti dəfə pəncərəni yelləyir, divara çırpır, diksinirəm.

“Çeşmədən seçmələr”dən seçdiklərim – 5

Sizlərə “Çeşmə” qəzetinin seçmələrindən hazırlanmış “Çeşmədən seçmələr” kitabından növbəti seçdiklərimi təqdim edirəm. “Çeşmə” qəzeti haqqında daha ətraflı və bundan əvvəlki seçmələri BURADAN, BURADAN, BURADAN və BURADAN oxuya bilərsiniz.

 

13. Tank

366-cı alay top-tüfəngini, tanklarını ermənilərə bağışlayıb Qarabağdan çıxmağa məcbur olur. Ermənilər ilk dəfə olaraq ruslarsız hərbi əməliyyat keçirmək qərarına gəlirlər. Tank alayının komandiri gecənin yarısı başlayır ratsiya vasitəsilə tanklara əmr verməyə:

Polislərimiz Azərbaycan xalqı haqqında

Bu yaxınlarda polislərlə bir məsələ ilə bağlı münaqişəm oldu, mənə zor tətbiq edərək qanunsuz olaraq VAZ 2106 markalı maşına basıb bölməyə apardılar. Münaqişə zamanı, maşında olarkən və bölmədə olarkən onlara hüquqlarımı, polisin vətəndaşla davranış qaydalarını, polisin vəzifələrini xatırlatmağa çalışırdım və polis nəfərləri mənim dediklərimi veclərinə almayaraq lağa qoyurdular. Onların Azərbaycan xalqı, vətəndaş, insanlarımız haqqında dedikləri yadımda qalan ifadələri olduğu kimi sizə təqdim edirəm:

“Çeşmədən seçmələr”dən seçdiklərim – 4

Sizlərə “Çeşmə” qəzetinin seçmələrindən hazırlanmış “Çeşmədən seçmələr” kitabından növbəti seçdiklərimi təqdim edirəm. “Çeşmə” qəzeti haqqında daha ətraflı və bundan əvvəlki seçmələri BURADAN, BURADAN və BURADAN oxuya bilərsiniz.

9. Telefon

Yaponiyadan qonaq gəlmiş yüksək səviyyəli nümayəndə heyəti prezident aparatına qəbul olunur. Yapon qonaqlar iqamətgahın prezidentinin köməkçisi Gürşad Zərbəliyevə aid olan otağından keçərkən qeyri-iradi olaraq onun Kəlbəcər ilə telefon danışığını müşahidə edirlər.

“Çeşmədən seçmələr”dən seçdiklərim – 3

Sizlərə “Çeşmə” qəzetinin seçmələrindən hazırlanmış “Çeşmədən seçmələr” kitabından növbəti seçdiklərimi təqdim edirəm. “Çeşmə” qəzeti haqqında daha ətraflı və bundan əvvəlki seçmələri BURADAN və BURADAN oxuya bilərsiniz.

6. Milli Şurada casus

Milli Şuranın iclaslarından birində T. Qarayev məsələ qaldırır ki, iclasda gedən mətləblər dərhal Yerevana çatdırılır.

“Çeşmədən seçmələr”dən seçdiklərim – 2

Bu bloq yazımda “Çeşmə” qəzetinin seçmələrindən hazırlanmış “Çeşmədən seçmələr” kitabından növbəti seçdiklərimi təqdim edirəm sizə. “Çeşmə” qəzeti haqqında daha ətraflı və bundan əvvəlki seçmələri BURADAN oxuya bilərsiniz.

3. Məhkəmədə

Sabiq dövlət xadimi, indi isə idman xadimi Fuad Musayevi iqtisadi fırıldaqlar üstündə mühakimə edirlər. Məhkəmədə vəkil söz alıb müdafiə nitqi deyir:

“Çeşmədən seçmələr”dən seçdiklərim – 1

“Çeşmə” qəzetinin ilk sayının dünyada “Gülüş günü” kimi qəbul edilən 1 apreldə çapdan çıxması mətbu orqanın satirik mahiyyəti ilə bağlı idi. Qəzet əvvəlcə qeyri-leqal şəkildə çap olunub. 1992-ci ildə qeydiyyatdan keçib və leqal şəkildə fəaliyyət göstərib. 1993-cü ildən sonra isə yenidən qeyri-leqal şəkildə nəşrini davam etdirib. 1995-cü ildə mətbu orqanın redaktoru, yayılmasında və satışında kömək edən şəxslər həbs olunublar. Bununla da qəzetin fəaliyyəti birdəfəlik dayandırıldı.

Problemli yol əhvalatı (fotolar)

İnsanlarımız mənasız şeylərə daha çox diqqət ayırırlar. İstər siyasi işlərdə olsun, istər şəxsi, istər məişət məsələlərində və s.

Bunun açdığı problemlərdən biri də yollarda qarşımıza çıxır. Tıxac yaranmasının səbəblərindən biri də sürücülərin heç kimi vecinə almadan maşını yolun ortasında saxlayıb hərəkət zamanı baş vermiş qəzaya baxmasıdır.

Yol ilə irəliləyirsən, bir də görürsən qarşıda böyük tıxac əmələ gəlib, pinqvin kimi hərəkət edir maşınlar. Bütün əsəblər korlanır, tələsənlər gecikir, maşın qızır:

Ovod: “Ən öldürücü silah varsa, o da gülüşdür”.

Bu yaxınlarda Etel Lilian Voyniçin “Ovod” romanını oxudum. Çox təsirli kitabdır. Hər bir inqilabçının oxumalı olduğu əsərdir. Mütləq oxumaq lazımdır. Məzmunu haqqında heç nə yazmaq istəmirəm. İstəmirəm ki, indidən bu ləzzəti azca da olsa dadasınız. Çox maraqlı kitab olduğundan, bu həzzi özünüzün tam olaraq hiss etmənizi istərdim. Ancaq, hesab edirəm ki, kitabdan cümlələri yaza bilərəm bura.

Kitabı oxuyarkən altını qaraladığım cümlələri sizlərə təqdim edirəm:

Siyasi meyxana deyişməsi

Son günlərdəki Emin Milli – İsa Qəmbər söhbətinə Günel Mövlud facebook-da gözəl bir qafiyə açdı və xiridarlar deyişməyə başladılar. Sonda İsa Bəy özü nöqtəni qoydu:

 

Günel Mövlud:

Gedəndə də bu meydandan ər gedə,
Emin deyibsə, gərək İsa Qəmbər gedə!

Hacı Hacıyev:

Siyasi iddiam filan yoxumdu,
Müxalifətlə iqtidar qohumdu.
Bir söz dedim indi soxum-soxumdu
Gedəndə də bu meydandan ər gedə,
Emin deyibsə, gərək İsa Qəmbər gedə!

Gedə bilməmək yanğısı (Cəbrayıl)

Bir dəfə qohumlarla söhbətləşirdik, yenə kənimizdən-Süleymanlıdan danışırdılar. Dəfələrlə eşitdiyim maraqlı, gülməli əhvalatları bu dəfə başqa qohumların dilindən fərqli formatda eşidirdim, maraqlı idi. Deyib gülürdük.

Bu insanlar illər boyu bir kənddə yaşayıb böyüyüb başa çatmışdılar. İllər boyu hər axşam bir-birinin evinə gedib gəlmişdilər, illər boyu hər gün bir-birilərini görmüşdülər. Xoş günlərdə bütün kənd biryerdə əylənmiş, qara günləri biryerdə kədərlə keçirmişdilər.

İndi hər ailə, hətta eyni ailənin üzvləri də bir tərəfə dağılışıb. Ayda-ildə bir dəfə bir-birilərini görüb hal-əhval tuturlar. Həyatları tamamilə dayişib, qara günlərinin sayı artıb. Çöküb bu insanlar. 

Mənə “gİrəliçi” deyirlər :(

Salam. Bəli, mən irəliçiyəm. Hakimiyyətyönümlü İrəli İctimai Birliyinə üzv olmuşam. Sağolsun prezidentimiz.

İrəliyə bəzi dostların sözlərinə görə üzv olmuşam, dedilər pul var burda. Həqiqətən də üzv olandan sonra gördüm ki, cənnətməkandır burası.

Burada bütün qapılar üzümüzə açıqdır. Universitetdə imtahandan istədiyimiz kimi keçirik, bütün tədbirlərdə iştirak edib yeyib içib kef edirik, xarici ölkələrə təlim adı ilə gedib şellənirik.

Arada da qalstukumuzu taxıb guya təsadüfən şəhərdə kamera ilə rastlaşmışıq kimi Aztv-ə zada çıxıb başlayırıq yaltaqlanmağa

Bir Qığılcım

İctimai aktiv gənclərimiz şikayətlənirlər ki, “niyə bu valideynlərimiz, əsasən də atamız azad ruhlu mübarizəmizdə bizim önümüzdə ən böyük maneədirlər?!”

Əslində çox normaldır, belə də olmalıdır.

Çünki, atalarımız bizdən öncəki nəsildirlər. Köhnə nəsil isə hər zaman yeni nəsilə paxıllıq hissi daşıyır.

Atalarımız mühafizəkardırlar. Yeni gəncləri, yeniliyi, yeni üsullarla mübarizəni  qəbul edə bilmirlər.

Mədəni-niyyət…

12 iyul Azərbaycanın deyərdim ki, ən dahi şəxsiyyətlərindən biri Mirzə Fətəli Axundovun dünyaya gəlişinin 200 illiyi idi. Bunu qeyd etmək üçün əsasən Seymur Baycanın təşkilatçılığı ilə dostlarla Tiflisə getmişdik. Qəbirüstünə getdik, gül qoyduq, orada söhbətlər etdik. Nəisə, sözüm onda deyil. Bu yazımda səfər zamanı diqqətimi çəkən başqa bir məqama toxunacam.

Deməli, adətən Gürcüstana qatarla yollandığımdan “Sınıq Körpü” gömrük məntəqəsində olmuram. Bu dəfə isə avtobusla getməli olduq.

Tam Siyasi

Deməli, var da belə tiplər. Zəif adamdırlar. Geriyə çəkilirlər. Amma, səbəb kimi öz zəifliklərini yox, müxtəlif boş bəhanələr gətirilər. İndi mənim söz açacağım bu bəhalərdən birini həm də heç qoşulmayanlar tez-tez dillərinə gətirirlər.

Budur bəhanə:

Rejimə məğlub olduğunu etiraf etmək istəməyənlər rejimin ən böyük düşmənləri – İsa Qəmbərlə Əli Kərimlini bəhanə gətirirlər ki, qabağımızı kəsiblər. Bu nə boş söhbətdir belə?! Niyə qabağınızı kəssinlər axı? Məgər siz onlara qarşı vuruşursunuz ki, hələ bir qabağınızı da kəssinlər. Qeyri səmimi olub hakimiyyət hərisliyi üçün bunu etsəydilər, çoxdan hakimiyyətlə anlaşıb bir vəzifə zad sahibi olardılar da.

Musiqi ilə etiraz

Musiqi gözəldir. Musiqiyə qulaq asmaq lap gözəldir. Musiqi bəstələmək, yazmaq, oxumaq ondan da gözəldir.

Etiraz da gözəldir. Etirazın ən gözəl formalarından biri də musiqidir. Çünki, musiqiyə hər kəs qulaq asır, xüsusilə də gözəl olduqda.

Rok, rep isə etiraz musiqiləridirlər. Bu musiqi janrları etiraz məqsədi ilə formalaşmış musiqidirlər.

Azərbaycanda da son zamanlar reperlər, rokerlər aktivdirlər. Hətta, etiraz xarakterli, azad ruhlu roklar, replər də yazılır, oxunur. Amma, çox azdır. Bu qədər haqsızlıqlara, cındırlıqlara baxmayaraq bu tipli musiqilərin bu qədər az olması çox qəribə gəlir mənə. 

Uşaq başı

Yalan – onların mahiyyəti!

Qədimçilikdən danışırlar. 

İçərişəhərimizi zibil gününə salıblar. Tariximizi saxtalaşdırıblar.

Müasirlikdən danışırlar.

Bütün günü milli-mənəvi dəyərləri, menaliteti təbliğ edirlər. Köhnəlikdən çıxa bilmirlər.

Cek Bəy Londonun “Martin Bəy İden”i

Son oxuduğum kitablar arasında Cek Londonun “Martin İden”i mənə yaman təsir etdi. Çox bəyəndiyimdən tez oxuyub bitirməyə də heyfislənirdim, ona görə də, az-az oxuyurdum ki, bu ləzzəti uzun müddət yaşayım.

Bu kitabda şəxsi azadlıq, sevgi, həyata dirəniş, məqsədə doğru addımlama və s. vacib mövzulara müəllif çox incəliklə toxunub.

Kitabı oxuya-oxuya fikirləşirdim ki, mümkün deyildir ki, yazılanlar müəllifin uydurmalarıdır. Səhnələr çox incəliklə, dəqiqliklə təsvir olunub və istər-istəməz oxucuda belə bir təsəvvür yaranır ki, Cek London öz yaşadıqlarını ustalıqla təsvir edib. Sonradan öyrəndim ki, həqiqətən də belədir.

Astara-Bakı qatarı (fotolar, video)

2-3 gün boş vaxt tapan kimi dostlarla hər il gedirik müxtəlif bölgələrə səyahətə əylənməyə. Bu dəfə cənuba tərəf getdik. Lerikdə, Lənkəranda olduq. Səfərimiz əla oldu, doyunca kef etdik.

Hər şey normal gedirdi, geriyə qayıtmaq üçün qatara minənə qədər. Nəqliyyat vasitlərindən səyahət üçün ən çox bəyəndiyim qatardır. Bildiyiniz kimi, Azərbaycanda qatarların vəziyyəti bərbad gündədir. İstər metro qatarı olsun, istərsə də dəmiryol qatarı. Lakin, mən hələ içi üfunət iyi verən, divarlarında, döşəklərində, tavanında tarakanlar, böcəklər gəzişən qatara rast gəlməmişdim. Təbii ki, bu vəziyyətdə olan kupedə yatmağım mümkün deyildi. Deməli, səhərə qədər oyaq qalmalı idim.

Halva həvəskarlarına

Son 1-2 ildə ölkədə hərəkat başlayıb. Dinamiklik var.

Mövcud vəziyyətlə barışmayıb dəyişiklik etmək istəyən insanlarımızın sayı artıb və artmaqda davam edir.

Ancaq, bu dəyişikliklərin asan əldə olunacağını sananlar var. Ümumiyyətlə asan yolla əldə olunan nəticənin keyfiyyəti ya az olur, ya da heç olmur.

İnsanlarımız elə bilirlər ki, əllərini-qollarını sallayıb gedib dəyişiklik edəcəklər. Olmur axı belə. Çətinliklər olur və olmalıdır da. Əgər hansısa məqsədə doğru gedilən yolda maneələr, çətinliklər yoxdursa, deməli, o heç məqsəd deyil və ona doğru addımlamağın mənası yoxdur.

Adamlar mübarizə aparırlar və mübarizənin ən qızğın yerində, ən lazımlı, həlledici məqamında çəkilirlər arxaya ki, bəs qorxuruq. Axı, bu mübarizədir. Girişmisənsə axıra qədər giriş. Digərlərini yarı yolda qoymaqla mübarizə aparmaq nə vaxtdan mübarizəyə girmək olub, anlamıram?!

22 Aprel “Sahib ol!” mitinqində səsləndirilən şüarlar

İctimai Palatanın təşkil etdiyi mitinqdə yenə də gənclər aktiv idilər və şüarlar əsasən onlar tərəfindən düşünülüb səsləndirilirdi:

“İlham, çıx get, dədən getdi sən də get!”

“Dünən işsiz, bugün evsiz bəs sabah?!”

Spirtli mübarizə

İşlərimiz çox olur. Ora-bura qaçırıq, onla-bunla görüşürük və bu kimi çoxlu-çoxlu işlər. Və indiki şəraitdə bunlara görə heç bir maliyə dəstəyimiz də olmur. Könüllülərik. Mübarizədəyik və bunu anlayırıq.

Çox yoruluruq. Amma, bu yorğunluq şirin yorğunluq olur. Bu yorğunluq bizi bezdirmir. Çünki, sonda əziyyətimizin nəticəsini görürük.

Bu işlərdə ən çox sevilən məşğuliyyətlərdən biri də hərdən mübarizə dostları ilə oturub yeyib içməkdir. Yeyib içmək gözəldir 🙂

Amma, çoxları buna pis baxır. Həyatlarında bircə dəfə də olsun piyan olmayanlar piyan olanları qınayır. Biraz da haqlıdırlar.. Ancaq…

N!DA – biz ölkəni dəyişməyəcəyik, artıq dəyişdirməkdəyik! (with translation into english, на русском языке)

N!DA Vətəndaş Hərəkatının Manifesti:

Biz-Nidaçılar yeni, azad nəsilik! Nida azadlıq və ədalət istəyir və xalqımızın ona layiq olduğunu iddia edir!
Bizim indiyə qədər baş vermiş ictimai-siyasi olaylar haqqında fikirlərimiz müxtəlif ola bilər. Ancaq Nida keçmiş barədə mübahisələrə vaxt itirməməyi təklif edir! Bizi gələcək maraqlandırır!
Bizim vətəndaşları adətən mənafeçi və passiv hesab edirlər. Ancaq digərləri də var: düşünən, cəsarətli, öz ölkəsinin taleyinə biganə olmayan və onun gələcəyi üçün üzərinə məsuliyyət götürməyə hazır olanlar. Biz hələ çox azıq, ancaq biz artıq varıq və hər yeni gün daha da çoxalacağıq!

Burunları başlarına ağırlıq edənlərə…

Bəyənirəm fərqliliyi. İstəmirəm hamı kimi olmaq. Fərqlənim, seçilim, bunları istəyirəm. Bu hər şeydə özünü biruzə verir. Həm düşüncələrimdə, fikirlərimdə, həm geyimimdə, həm saç, saqqal düzümlərimdə, həm davranışlarımda, həm də məşğuliyyətlərimdə zaman-zaman özünü göstərir. Həm də ki, ölkədə dəyişiklik istəyən şəxs ilk öncə özü dəyişməlidir, özü fərqli olmalıdır axı, belə də olmalıyam.

Küçədə, bayırda, ictimai nəqliyyatda olanda insanların bir-birinin geyiminə, görünüşünə qarışmağı, söz atmağı hamımızın tez-tez şahidi olduğumuz adi hadisələrdən birinə çevrilib. Mən özüm də çoxlarından fərqli olduğum üçün tez-tez iştirakçısı oluram belə halların.

Problem var?!

20 il.. O boyda 20 il… 20 ildir alınır… Bunlarda.. 20 ildir  alınır bizi susdurmaq ..

Bacarırlar. Qırırlar hər dəfə bizi, sındırırlar…

Hər dəfə qorxuruq, çəkinirik, sakit-sakit, pıçıldaya-pıçıldaya danışırıq… Elə olur ki, heç danışmırıq. Facebookda inboxda da qorxuruq. Birdən eşidərlər, birdən görərlər… Telefonla danışanda da başqa sözlərlə ifadə edirik fikirlərimizi..

Hər dəfə susmaqla onlara bizi susdurmağa davam etməyə bəhanə veririk. Elə bilirlər qalib gəlirlər, elə bilirlər alınır bunlarda, elə bilirlər bacarırlar. Özləri ilə fəxr edirlər, özlərini üstün bir şey sanırlar, özlərini sevirlər.. Özlərini- iyrənc məxluqları… Əslində düz də edirlər… Axı alınır.

Gəncliyin gücü! Biz bacardıq – 17 Mart!

Yazıya şad xəbərlə başlayım, Gənclərin Hüquqlarını Müdafiə Komitəsinin təşkil etdiyi 17 Mart- Gənclərin “Gələcək Naminə” mitinqinə Bakı Şəhər İcra Hakimiyyəti tərəfindən rəsmən icazə verildi! Mitinq 17 mart saat 15:00-da Bayılda 20-ci sahədə (dvatçatıy, sürücülük məktəbinin həyətindəki stadion) keçiriləcək. Hamınızı təbrik edirəm, xüsusi ilə də bu mitinqin baş tutması, yayılması, uğurlu keçməsi üçün əziyyəti keçənləri.

Day bundan sonra mitinqə gəlməmək üçün mənə elə gəlir ki, heç bir bəhanə filan qalmadı. Qarşıdurma olmayacaq, polis dubinkası olmayacaq, bölməyə getməklər olmayacaq, pərakəndəlik olmayacaq. Həm də ki, mitinqdə iştiraka görə heçkimə hədə-qorxu, təhdid də olmayacaq. Universitet tələbələrini də mitinqdə iştiraka görə heç bir təhlükə gözləməyəcək. Çünki, mitinqə dövlət tərəfindən icazə verilib.

Çünki, gəncik – 17 mart!

Biz vətəndaşıq. Biz Azərbaycan respublikasının vətəndaşıyıq. Biz xalqıq. Bu respublikada hakimiyyətin mənbəyi xalqdır.

Biz gəncik. Biz xalqın əsas hissəsini təşkil edirik. Deməli, biz hakimiyyətin mənbəyinin əsas hissəsiyik.

Bu respublikada ən çox təqiblərə məruz qalınan, ən çox sıxılan, ən pis vəziyyətlərə salınan da bizik, gənclər. Niyə? Çünki, daha gözəl yaşamaq istəyirik, xalqı daha gözəl şəraitdə yaşatmaq istəyirik.

Gənclər istənilən dövrdə, tarixdə, istənilən dövlətdə hər zaman bir etirazçı qüvvə olmuşlar. Gənclər hər zaman istənilən haqqsızlığa, ədalətsizliyə qarşı reaksiya verən ilk, təkanverici  qüvvə kimi tanınmışlar. Ədaləti, demokratiyanı da gənclər bərpa edən əsas qüvvə olmuşlar hər zaman. Və biz gəncik.

Özündənrazı millətimizə… Narazıyam!

Yəqin ki, dünyanın heç bir ölkəsində küçədə, ictimai nəqliyyatda, müxtəlif tədbirlərdə, şəhərin mərkəzində, ticarət mərkəzlərində və s. ərazilərdə gəzəndə Azərbaycandakı qədər özündənrazı insanlara rast gəlmək mümkün deyil və rast gəlinməyib də. Bu insanlar nədən razıdırlar, niyə razıdırlar, özlərini niyə bu qədər çox sevirlər hələ də mənə çatmır.

Əllərində ucuz telefon, əyinlərində ən ucuz qiymətə, metronun altından və yaxud 8-ci kilometr bazarından alınmış qap-qara paltarlar, ucu şiş rezin tuflilər, araq iyi verən ətirlər. Yox, elə başa düşməyin ki, lağa qoyuram. İmkanı ona çatır, onu da alır. Amma, day niyə özünü boğursan, niyə özünü dartırsan?! Hansı günüvə “risovkalanarısan”?

Küçədə hamıya söz atmaq, ona-buna ilişmək, bələkdə olan uşaqdan tutmuş çəliklə yeriyən qoca kişiyə qədər hamıya çiyin vurmaq, eşşək kimi anqıraraq hırıldamaq. Hamısı da eləbil ortaya söz qoyublar ki, kim daha çox qıza sataşacaq.